Жаҳон соғлиқни сақлаш ташкилоти 16 июль куни Суданга тезлик билан киришга чақириб, зудлик билан олдини олиш зарур бўлган «гуманитар фалокат» ҳақида огоҳлантирди.
ЖССТнинг Судандаги вакили Шибл Саҳбани БМТнинг Женевада бўлиб ўтган брифингида видеоалоқа орқали «Суданга кириш соғлиқ учун ҳалокатли вазиятнинг олдини олишимиз учун жуда муҳим», деди.
«Кузатилаётган гуманитар фалокатни тўхтатиш учун шошилинч чоралар кўриш ва ўт очишни тўхтатиш зарур,» деди Саҳбани, шошилинч чоралар кўрилмаса, “Суданда тез ёмонлашаётган вазият назоратдан чиқиб кетиши, овқатланмаслик ва касалликларнинг назоратсиз тарқалишига олиб келиши мумкин".
Судан аҳолисининг ярмидан кўпи, яъни 26 миллионга яқин киши ҳозирда қаттиқ озиқ-овқат танқислигини бошдан кечирмоқда.
27 июнь куни эълон қилинган сўнгги ҳисобот шуни ўрсатадики, 755.000 киши 5-босқичдаги - озиқ-овқат танқислигининг энг оғир даражасидан азият чекмоқда.
Бирлашган Миллатлар Ташкилотига кўра, можаро 16 мингга яқин одамнинг ҳаётига зомин бўлди ва миллионлаб одамлар ўз уйларини ташлаб кетишга мажбур бўлди, бу эса мамлакатда ҳалокатли гуманитар инқирозни келтириб чиқарди.
Эслатиб ўтамиз, Шимолий Судан аҳолисининг аксарияти (95%) сунний ислом динига амал қилади.
