БМТ раҳбарини Украинада кўришни хоҳлашмайди, лекин у келмоқчи

БМТ Бош котиби Антониу Гутерришнинг идораси у ҳали ҳам Украинага келиш ниятида эканини маълум қилди.

Бирлашган Миллатлар Ташкилоти Бош котиби ўринбосари Фархан Ҳақ таъкидлаганидек, унинг Украинага расмий ташрифи «бекор қилинмаган, фақат кейинга сурилган».

«Биз ташрифни ўзаро қулай вақтда ташкил этишга ҳаракат қилмоқдамиз. Украина президенти Владимир Зеленский ва БМТ Бош котиби Антониу Гутерриш сентябрь ойида бўлиб ўтган учрашувда ташрифни муҳокама қилишган», — деди Ҳақ.

***

Украина президенти Владимир Зеленский Бирлашган Миллатлар Ташкилоти Бош котиби Антониу Гутерришнинг Қозондаги БРИКС саммитидаги иштироки туфайли Киевга ташрифини рад этди, деб хабар берди Украина президенти девонидаги юқори мартабали манба AFP агентлигига.

Пайшанба куни Қозон шаҳрида Россия президенти Владимир Путиннинг олдида сўзлаган нутқида Гутерриш урушга чек қўйиш учун Украинада «адолатли тинчликка» чақирди, аммо унинг БРИКС саммитидаги иштироки Киевда норозилик уйғотди.

«Қозондан кейин Гутерриш Украинага келмоқчи эди, бироқ президент ташрифини тасдиқламади. Шу боис, Гутерриш бу ерда бўлмайди, хусусан, Қозонда соғлом фикр ва халқаро қонунлар камситилгани сабабли», — деди манба AFP'га.

Қозонда Путин билан музокаралар чоғида Гутерриш «Россиянинг Украинага бостириб кириши БМТ Низоми ва халқаро ҳуқуқни бузиш эканлигини» такрорлади”, — дейилади ташкилот баёнотида.