Бирлашган Миллатлар Ташкилотининг Фаластинлик қочқинларга ёрдам кўрсатиш агентлиги (UNRWA) Исроил ҳужумлари Ғазо сектори жанубидаги Хон Юнус шаҳарчасидан 250 минг фаластинликни тарк этишга мажбур қилишини тахмин қилмоқда.
UNRWA ижтимоий тармоқдаги постида Исроил армияси кўчирилган фаластинликларни «вайрон бўлган ҳудудга қайтганидан бир неча ҳафта ўтиб» яна Хон Юнусни тарк этишлари ҳақида огоҳлантирди.
Таъкидланишича, минтақадаги фаластинликлар «яна бир бор» кўчиш муаммосига дуч келмоқда ва Ғазо секторида хавфсиз жой қолмаган.
«Бизнинг тахминимизча, 250 минг киши (Хон Юнусдан) эвакуация қилишга мажбур бўлади», — дейилади у.
Исроил армияси матбуот котиби Авичаи Адраи Х ижтимоий медиа орқали фаластинликларни «хавфсизлик учун» Хон Юнус шаҳри шарқидаги ҳудудларни зудлик билан тарк этишга чақирди.
Шаҳар шарқидаги фаластинликлар Исроил армияси чақирганидан бир неча соат ўтиб ал-Маваси ҳудудига кўчишга мажбур бўлди.