Экспертлар Исроилнинг Ливанга ҳужумларини қоралаб, уларни ноқонуний деб баҳолади. 8 апрел куни Исроил мудофаа кучлари (ЦАХАЛ) томонидан Ливанга амалга оширилган кенг кўламли зарбалар оқибатида 350 дан ортиқ одам, жумладан 30 нафар бола ҳалок бўлганди. 15 апрел куни уюштирган ҳужумларда эса камида 16 киши ҳалок бўлди, улар орасида тўрт нафар фелдшер ҳам бор.
"Бу ҳужумлар Исроилнинг ўз-ўзини ҳимоя қилишини англатмайди. Бу БМТ Низомини очиқдан-очиқ бузиш, тинчликка қаратилган ҳаракатларни қасддан издан чиқариш ва БМТга асосланган халқаро тартибни ҳақорат қилишдир", дейилади экспертлар баёнотида.
Улар Исроилни Ливанга қарши барча ҳарбий ҳаракатларни тўхтатишга чақирди. Шунингдек, БМТга аъзо давлатларни “халқаро гуманитар ва инсон ҳуқуқлари жиддий бузилганига оид ишончли далиллар бор” пайтда Исроилга қурол етказишни тўхтатишни талаб қилди.
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Хитой АҚШни огоҳлантирди
Эрон Ҳарбий-денгиз кучлари АҚШ эсминецларини Ҳўрмуз бўғозидан чиқариб юборди
