БМТ бош котиби Зеленский билан Россия-Украина можаросига барҳам беришни муҳокама қилди

БМТ Бош котиби Антониу Гутерриш Украина етакчиси Владимир Зеленский билан телефон орқали мулоқот қилди.

Бу ҳақда жаҳон ташкилоти раҳбари вакили Стефан Дюжаррик журналистлар учун брифинг чоғида маълум қилди.

Унинг таъкидлашича, томонлар Россия-Украина урушини тугатиш бўйича сўнгги дипломатик саъй-ҳаракатларни муҳокама қилган.

Дюжаррикнинг сўзларига кўра, Гутерриш, шунингдек, БМТнинг Украинада адолатли, кенг қамровли ва барқарор тинчлик ўрнатиш йўлидаги “биринчи қадам” сифатида “тўлиқ, зудлик билан ва сўзсиз” ўт очишни тўхтатишни қўллаб-қувватлашга содиқлигини яна бир бор тасдиқлади.