"Биз Венесуэлага қарши эмас, балки наркотик савдоси билан шуғулланувчи ташкилотларга қарши уруш олиб боряпмиз"

Бу уруш эмас. Биз Венесуэлага қарши эмас, балки наркотик савдоси билан шуғулланувчи ташкилотларга қарши уруш олиб боряпмиз, дея интервью берди АҚШ давлат котиби.

Марко Рубионинг баёнотларидан иқтибослар:

◾️ Биз Венесуеланинг маълум бир йўналишда ҳаракатланишини истаймиз;

◾️ Улар Венесуэлани Эрон, Россия, “Ҳизбуллоҳ”, Хитой ёки Куба разведка агентлари учун операцион марказга айлантира олмайди. Биз бунга йўл қўймаймиз;

◾️ Вашингтон дунёдаги энг йирик нефт захиралари Қўшма Штатларнинг рақиблари назорати остида бўлишига жимгина қараб турмайди;

◾️ Бизга Венесуэланинг нефти керак эмас. Қўшма Штатларнинг ўзида етарлича нефт бор.

Шунингдек, АҚШ давлат котиби Марко Рубио АҚШ “ҳал этилиши лозим бўлган масалалар” тўлиқ ҳал қилинмагунча, наркосавдогарларга тегишли кемаларга зарбалар беришни ва санкциялар остидаги кемаларни қўлга олишни давом эттиради, дея қўшимча қилди.