Коррупцияга қарши курашиш агентлигининг масофавий мониторинг тартибидаги ўрганишларида умумий қиймати 1 млрд сўмдан ортиқ бўлган қуйидаги давлат харидларида қонунбузилиши ҳолатлари аниқланди:
➖Ангрен шаҳар Ободонлаштириш бошқармаси буюртмачилигидаги 200,0 млн сўмлик;
➖Жарқўрғон туман ҳокимлиги буюртмачилигидаги 309,0 млн сўмлик;
➖Оқолтин туман Тиббиёт бирлашмаси буюртмачилигидаги 300,0 млн сўмлик;
➖Урганч ихтисослаштирилган мақом санъати мактаб-интернати буюртмачилигидаги 371,1 млн сўмлик давлат харидлари.
Агентликнинг тақдимномаларига биноан юқоридаги давлат харидлари бўйича харид комиссиясининг баённомалари бекор қилинди, шунингдек, тўпланган ҳужжатлар ҳуқуқни муҳофаза қилувчи органларга юборилди.
