Microsoft трансмиллий корпорацияси асосчиларидан бири Билль Гейтс 20 йил ичида бутун бойлигини хайрия ишларига сарфлашни режалаштираётганини ма`лум қилди.
Бу ҳақда у шахсий блогида ёзган.
"Мен пулимни жамиятга дастлаб режалаштирганимдан анча тезроқ қайтаришга қарор қилдим. Келгуси 20 йил ичида бутун бойлигимни Гейтс жамғармаси орқали бутун дунё бўйлаб одамлар ҳаётини сақлаб қолиш ва яхшилаш учун сарфлайман", - деди у.
Гейтс жамғармаси 2045 йил 31 декабрьда ёпилади.Бу вақт ичида жамғарма 200 миллиард доллардан кўпроқ маблағ сарфлаши керак, дея қўшимча қилди тадбиркор.
“Ўлганимда мен ҳақимда кўп гаплар айтилади, лекин мен одамлар айтадиган гаплардан бири “бой ўлган” бўлмаслиги керак, деб қарор қилдим. Бошқаларга ёрдам бера оладиган ресурсларга эга бўлишим учун шошилинч эътиборни талаб қиладиган муаммолар жуда кўп”, деб ёзди октябр ойида 70 ёшга тўлган Гейтс.
