12 август куни тунги соат 02-00 лар атрофида Бешариқ тумани ИИБ ЖХХ ХПБ профилактика инспектори туманнинг Файзабод МФЙда жойлашган компьютер воситалари ва телефон аппаратлари сотишга мўлжалланган савдо дўконига номаълум шахс ойнани синдириш йўли билан кириб, ўғирлик жиноятини содир этаётганлигини аниқлаб, воқеа жойига зудлик билан ППХ ходимлари чақиришган. Олиб борилган тезкор тадбир натижасида гумонланувчи воқеа жойида далилий ашёлар билан ушланган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда