«Беларус ҳукумати ва Польша ҳукумати ўртасида 2016 йил 20 июлда Варшавада имзоланган таълим соҳасидаги ҳамкорлик тўғрисидаги битим тўхтатилсин», — дейилади Лукашенко имзолаган ҳужжатда.
Беларус таълим вазирлиги раҳбари Андрей Иванец Варшава билан келишувнинг тўхтатилишига унинг Минск томон таълим соҳасидаги халқаро ҳамкорлик соҳасидаги нодўстона қадамлари сабаб бўлганини тушунтирди.
Шунингдек, Беларус Франция билан маданият, таълим, фан ва технология ҳамда оммавий ахборот воситалари соҳасида ҳамкорлик тўғрисидаги ҳукуматлараро келишувни ҳам тўхтатди. Шартнома 2010 йилдан бери амал қилади.
