Брюссел апелляция суди Бельгия давлатини мустамлака Конгода болалигида аралаш ирқга мансуб беш аёл ўғирлаб кетилгани учун инсониятга қарши жиноятларда айбдор деб топди. Судья ўша пайтда ҳукумат қора танли оналар ва оқ танли оталардан туғилган болаларни топиш ва ўғирлаш бўйича тизимли режани амалга ошираётганини таъкидлади.
Суд ҳар бир аёлга маънавий зарар учун 50 минг евро товон тўлаш мажбуриятини юклади. Ҳозирда 70 ёшга кирган қурбонлар местизос деб номланувчи 20 000 га яқин аралаш ирқли болаларни ифодалайди. Бу болалар 1948 йилдан 1961 йилгача Конгодаги оилаларидан ажралиб, католик черкови томонидан бошқариладиган мактаблар ва болалар уйларига юборилган.
Суд қарори тарихий деб аталди, чунки бу суд Европада биринчи марта мустамлакачилар томонидан содир этилган инсониятга қарши жиноятларни қоралади.
Жанубий Корея қирувчилари Россия ва Хитой ҳарбий самолётларига қарши
Баҳсли пеналти оқибатида 100 дан зиёд одам ҳалок бўлди
Зеленский ўт очишни тўхтатишга тайёр
