Минск суди Россия Федерациясидан Беларусга ҳарбий маҳсулотларни ноқонуний олиб киришда айбланган шахсни олти йиллик қамоқ жазосига ҳукм қилди. Бу ҳақда душанба куни Беларус Бош прокуратураси маълум қилди.
"Давлат прокурори тақдим этган далилларни инобатга олиб, Минск шаҳри марказий округи суди айбдор ҳукм чиқарди. Беларус Республикаси Жиноят кодексининг 333-1-моддаси 1-қисми асосида озодликдан маҳрум қилиш жазоси тайинланди. 6 йил муддатга 14,8 минг беларус рубли (тахминан 5,1 минг доллар) миқдорида жаримага тортилди”, дейилади хабарда.
Тергов маълумотларига кўра, айбланувчи 2022-йил август ойида ўз машинасида Россия Федерацияси ҳудудидан Беларус давлат чегараси орқали қурол олиб ўтган. Прокуратура жиноят ишида кўрилаётган маҳсулотлар қайси турдаги қуролларга тегишли эканлигига аниқлик киритмади.
Бошқарманинг қўшимча қилишича, суд жараёнида айбланувчи ўз айбига тўлиқ иқрор бўлган. Унинг гувоҳлик беришича, у якка тартибдаги тадбиркор сифатида икки мақсадли маҳсулотлар савдоси билан шуғулланган, аввалроқ у узоқ вақт давомида қуролли кучларда хизмат қилган ва шунинг учун қурол-яроғ соҳасида билимга эга бўлган.
ЕЧЛ. Ярим финал. "Бавария" "Реал" билан жанговар дуранг қайд этди
Оқ уй Байденнинг чиқишларини қисқартиради
Россия иқтисодиёти қулаши мумкин
