Беларус 123 нафар сиёсий маҳбусни озод этди

The Insider нашри бу ҳақда Беларус президенти матбуот хизмати баёнотига таяниб хабар бермоқда.

Қайд этилишича, сиёсий маҳбусларнинг озод қилиниши АҚШ президенти Доналд Трамп билан эришилган келишувлар доирасида ва унинг илтимосига биноан, шунингдек, Беларуснинг калийли ўғитлад саноатига қарши санкциялар бекор қилингани муносабати билан амалга оширилган.

“Зеркало” нашри маълумотига кўра, беларуслик ҳуқуқ ҳимоячиси ва Тинчлик бўйича Нобел мукофоти совриндори Алес Беляцкий, шунингдек, Беларус президентлигига собиқ номзод Виктор Бабарико озодликка чиққан. Шунингдек, Бабариконинг штаби адвокати Максим Знак ва штаб раҳбари Мария Колесникова ҳам озод этилган.

"Шу билан бирга, Буюк Британия, АҚШ, Литва, Украина, Латвия, Австралия ва Япония фуқаролари ҳам озод қилинган. Озод этилганларнинг барчаси Литва ва Украинага чиқариб юборилган", дея ёзмоқда The Insider.