"Бави" тайфуни Хитойда 2800 дан ортиқ авиарейсларнинг бекор қилинишига сабаб бўлди

Хитой авиакомпаниялари 12 июль куни кучли "Бави" тайфуни туфайли 2800 дан ортиқ ички рейсларни бекор қилишни режалаштирмоқда.

Бу ҳақда Хитой Марказий телевидениеси хабар берди.

Йўловчиларга об-ҳаво шароити ва рейсларининг ҳолатини диққат билан кузатиб бориш тавсия этилади.

11 июль оқшомига келиб, Хитой авиакомпаниялари ноқулай об-ҳаво шароити туфайли 1300 дан ортиқ рейсларни кечиктирди.

Бави тайфуни маҳаллий вақт билан соат 23:20 да шарқий Чжэцзян провинциясига етиб келди. Циклон қирғоққа етиб келганида, Тайчжоу шаҳри яқинида шамол тезлиги 40 м/с га етди.

Бўрон яқинлашиб келаётган бир пайтда, Хитойнинг шарқий қисмида қарийб 2 миллион киши эвакуация қилинди.