"Барселона" вице-президенти Рафа Юсте Хавини жамоа бош мураббийи сифатида сақлаб қолиш истаги ҳақида гапирди.
“Умид қиламанки, Хави клубда қолади. Биз у билан узоқ муддатли лойиҳани муҳокама қилмоқдамиз ва бир-икки мавсум ҳақида гапирмаяпмиз. Биз Хавини клубда қолишга ишонтиришга ҳаракат қиламиз", - дея Юсте сўзларини келтирмоқда AS.
Эслатиб ўтамиз, мутахассис мавсум якунида клубни тарк этишини маълум қилганди. 44 ёшли испаниялик мутахассис 2021 йилдан буён жамоани бошқаради. "Барселона" билан биргаликда у Испания чемпиони ва мамлакат Суперкубоги соҳибига айланди.
