«Барселона» кейинги турдаёқ муддатидан олдин чемпионликни расмийлаштириши мумкин

Каталониянинг «Барселона» клуби Испания Ла Лигасида кетма-кет иккинчи бор чемпионлик шоҳсупасига чиқишга жуда яқин турибди.

Ханси Флик шогирдлари 32-турда «Хетафе»ни мағлуб этгач (2:0), чемпионат тугашига 5 тур қолганда энг яқин таъқибчиси — Мадриднинг «Реал» клубидан 11 очкога ўзиб кетди.

Агар 33-турда «Барселона» ўз майдонида «Осасуна»ни мағлуб этса ва «Реал» сафарда «Эспаньол»га қарши баҳсда очко йўқотса, каталонияликлар муддатидан олдин чемпионликни нақд қилади.

Акс ҳолда, «кўк-анорранглилар» учун бош совринни қўлга киритиш имконияти 10 май куни бўлиб ўтадиган «Эл-класико»га кўчади. Вазиятга қараб, «Камп Ноу»да кечадиган «Реал»га қарши баҳсда «Барселона»га дуранг натижа ҳам чемпионлик учун кифоя қилиши мумкин.