"Барселона"га янги президент сайланди

«Барселона» клуби расмий сайтида каталонияликлар президенти сайлови якунлари ва овоз бериш натижаларини эълон қилди.

Овоз бериш натижаларига кўра, клубнинг амалдаги раҳбари Жоан Лапорта ғалаба қозонди. У 68,18% овоз тўплади. Унга 32 934 нафар сайловчи овоз берган.

Лапортанинг рақиби Виктор Фонт эса 29,78% овоз олди. У учун 14 385 нафар киши овоз берган. Шунингдек, 984 та бюллетень (2,04%) бўш қолган.

Шу тариқа, Лапорта «Барселона» президенти лавозимига учинчи марта сайланди. Испаниялик функционер аввал 2003–2010 йилларда, шунингдек 2021–2026 йилларда ҳам клубни бошқарган.

Маълум қилинишича, у 1 июлдан расман ўз лавозимига киришади ва Каталония клубини 2031 йилгача бошқаради.