"Барселона" ҳужумчиси Ансу Фати клубини ўзгартириш ҳақида жиддий ўйламоқда.
"Кўк-анорранглилар" қишдаёқ футболчи билан хайрлашишга тайёр эди, аммо у қолишга қарор қилди. Вазият ўзгармади: ҳужумчи уч ойдан бери майдонга тушмаяпти. Mundo Deportivo хабарига кўра, Фати "Барселона" ва бош мураббий Ханс-Дитер Фликдан бутунлай кўнгли қолган. 22 ёшли испаниялик ўзига нисбатан адолатсизлик қилинаётганини ҳис қилмоқда: у машғулотларда ўзини ёрқин намоён қилмоқда, аммо клуб ижтимоий тармоқларида ҳам унинг саъй-ҳаракатлари бошқа футболчиларнинг муваффақиятлари каби ёритилмаяпти.
Қайд этилишича, Фати "руҳан синдирилган." У ўзига ишонган жамоада ўйнашни истайди ва шунинг учун келаси ёзда кетиш ҳақида ўйламоқда.
Винисиус ва Мбаппе «Арсенал» билан ўйиндан сўнг кийиниш хонасида нималар дейишгани маълум бўлди
"Реал" янги мураббий билан шартнома имзолади!
"Реал"дан кетиши аниқ бўлган 3 нафар футболчи кимлиги маълум
