«Барселона» бош мураббийи: «Биз «Эспаньол»га қарши ўйинда ғалабага лойиқ эмас эдик»

«Барселона» бош мураббийи Ханс-Дитер Флик Испания чемпионатининг 18-турида «Эспаньол»га қарши ўтказилган ўйин (2:0) ҳақида фикр билдирди.

«Уч очкодан қониқдим ва хурсандман. Ўзгартиришимиз керак бўлган жиҳатлар бор, аммо якунда натижадан мамнунман. “Эспаньол” жуда яхши ўйин кўрсатди, ажойиб дерби муҳити ҳукм сурди — бу менга ёқди. Ростини айтсам, биз ғалабага лойиқ эмас эдик, аммо алмашинувлардан кейин майдонга тушган ўйинчиларнинг сифати учрашув тақдирини ҳал қилди, ва мен бундан хурсандман», — дея Фликнинг сўзларини келтиради "Barca Universal".

Испания чемпионатида 19 та учрашувдан сўнг «Барселона» 49 очко жамғариб, турнир жадвалида пешқадам бўлиб турибди. «Эспаньол» эса 18 та ўйиндан кейин 33 очко билан бешинчи ўринни эгаллаб турибди.