«Барселона» 2019/2020 йилги мавсумда қанча молиявий зарар кўрди?

«Барселона» расмий сайти 2019/20 йилги мавсум якунларига кўра, клуб молиявий ҳисоботини эълон қилди.

Қайд этилишича, Каталония клубининг ўтган мавсумдаги молиявий зарар миқдори 97 миллион еврога етган. Камомадларга коронавирус пандемияси сабаб бўлган. Ла Лига ва Чемпионлар лигасида ўйинлар томошабинларсиз ўтказилгани клубни катта миқдордаги даромаддан маҳрум этган.

Каталон клубининг ортда қолган мавсумдаги умумий даромади 855 миллион еврони ташкил қилди, чиқим эса — 955 миллион евро. 2018/19 йилги мавсум билан солиштирганда даромад 135 миллионга камайган, чиқимлар эса 18 миллионга.

«Барселона»нинг 2020/21 йилги мавсум учун тахминий бюджети 791 миллион еврони ташкил этади.