Бағайи: "Исломобод музокараларининг муваффақияти АҚШнинг ноқонуний талаблардан воз кечишига боғлиқ"

Покистон пойтахти Исломободда давом этаётган Эрон-АҚШ музокараларининг муваффақияти Вашингтоннинг ноқонуний талабларидан воз кечишига боғлиқ.

Бу ҳақда Эрон Ташқи ишлар вазирлиги вакили Эсмаил Бағайи ижтимоий тармоқ саҳифасида маълум қилди.

"Ушбу дипломатик жараённинг муваффақияти АҚШнинг ўзининг амбицияли ва ноқонуний талабларидан воз кечишига, шунингдек, Эроннинг ҳуқуқлари ва қонуний манфаатларини тан олишига боғлиқ", деб таъкидлади у.

Бағайнинг хабар беришича, музокаралар давомида томонлар ўртасида кўплаб СМС хабарлар алмашилган.

"Сўнгги 24 соат ичида асосий муҳокама мавзуларининг турли жиҳатлари, жумладан, Ҳормуз бўғози, ядровий масала, ҳарбий компенсация, санксияларни бекор қилиш ва Эронга ва минтақага қарши урушни тўлиқ тугатиш бўйича музокаралар олиб борилди", деб таъкидлади Бағайи, Покистонга воситачилик қилгани учун миннатдорчилик билдириб.