БААнинг шарқида Ҳормузни четлаб ўтиш учун янги порт ва терминал қурилади

Дубайнинг давлат компанияси DP World, БААнинг шарқида нефть ва бошқа товарларни Ҳормуз бўғозини четлаб ўтиб ташиш учун янги кўп функсияли порт ва контейнер терминалини қуради.

Бу ҳақда The Financial Times (FT) компания вакилига таяниб хабар берди.

Таъкидланишича, Фужайра қирғоқ ҳудудидаги янги инфратузилма амирликнинг ўзининг асосий маркази Жебел Алига қарамлигини камайтиради. АҚШ-Эрон можаросининг кучайиши ортидан минтақадаги энг йирик контейнер порти Жебел Алидаги фаоллик 90-95% га пасайди. Бу DP Worldни халқаро ҳамкорларига етказиб бериш учун муқобил вариантларни излашга ундади.

"Бизнинг ўз режамиз бор ва биз DP World нуқтаи назаридан шарқий соҳилда имкониятларни фаол равишда ўрганмоқдамиз. Бу бирор нарса нотўғри бўлиб қолса, суғурта чораси туридир", деб таъкидлади компания.

Янги лойиҳа DP World компаниясининг Уммон кўрфазидаги фаолиятини кенгайтиради, контейнерларга Ҳормуз бўғозидан ўтмасдан мамлакатга кириш ва чиқиш имконини беради, шундан сўнг улар қуруқлик орқали Дубай, Абу-Даби ва қўшни Форс кўрфази мамлакатларига юк машиналари орқали ташилади.

Компания вакили лойиҳа ҳали якунланмаганлигини ва БАА расмийлари билан музокаралар давом этаётганини аниқлик киритди. Бироқ, агар якуний тасдиқ олинса, уни амалга ошириш ўн саккиз ойдан ошмайди.