БАА компанияси ўзбекистонликларни Дубайда таксичиликка жалб қилишни режалаштирмоқда

📍 Бирлашган Араб Амирликларида (БАА) ўзбекистонлик тажрибали ҳайдовчиларни ишга жалб этиш масаласи муҳокама қилинди. Бу ҳақда “Дунё” ахборот агентлиги хабар берди.

Музокаралар Ўзбекистон Бош консулхонаси ходимлари ва Dubai Taxi Company PJSC раҳбарияти иштирокида бўлиб ўтди.

🔴 Музокараларнинг асосий йўналишлари:
– Ўзбекстандан малакали ҳайдовчиларни БААда қонуний ва муносиб иш билан таъминлаш масаласи муҳокама қилинди.
– Dubai Taxi Company раҳбари Сайид Амин Абдураҳмон ўзбекистонлик ҳайдовчиларни ишга жалб этиш жараёнини ҳуқуқий жиҳатдан қўллаб-қувватлашга тайёрлигини билдирди.
– Шунингдек, у ташқи меҳнат миграцияси соҳасида ўзаро манфаатли ҳамкорликни йўлга қўйиш ниятини ҳам ифода этди.

🔴 Иш ўринлари бўйича режа:
– Дастлабки босқичда компания 200 нафар ўзбекистонлик ҳайдовчини такси ҳайдовчиси сифатида ишга қабул қилишни режалаштирган.
– Агар уларнинг меҳнат самарадорлиги юқори бўлса, кейинчалик яна 500 нафар ҳайдовчи учун қўшимча имкониятлар яратилиши кўзда тутилган.

🔴 Келгусидаги ҳамкорлик:
– Музокаралар якунида Ўзбекистон Меҳнат агентлиги ва Dubai Taxi Company PJSC вакиллари мазкур йўналишдаги ҳамкорликнинг кейинги босқичларини муҳокама қилишга келишиб олдилар.