Azerbaijan Airlines Боку–Қозон йўналиши бўйича рейсларни "номаълум муддатга" тўхтатди

Авиакомпания ўз қарорини парвозлар хавфсизлигини таъминлаш зарурати билан изоҳлади. Azerbaijan Airlines га кўра, сўнгги вақтларда Қозон осмонида ҳаво ҳудуди тез-тез ёпиб қўйилмоқда.

2024 йил 25 декабр куни Боку–Грозний йўналишидаги Azerbaijan Airlines авиакомпаниясига тегишли самолёт Қозоғистоннинг Ақтау шаҳри яқинида ҳалокатга учраган, натжада 38 киши ҳалок бўлган эди. Лайнерга Грозний осмонида Россия ҳаво ҳужумидан мудофаа тизими снаряди билан зарар етказилганди. Шундан сўнг Azerbaijan Airlines Россиянинг ўнта шаҳрига – Грозний, Махачкала, Сочи, Минералние води, Владикавказ, Нижний Новгород, Самара, Саратов, Уфа ва Волгоградга рейсларни тўхтатган эди.

Бундан ташқари, FlyDubai, Qazaq Air ва El Al авиакомпаниялари ҳам Россияга парвозларни тўхтатган.