Австрияда мактабга ҳужум қилган шахс қуролга қонуний эгалик қилган

Австриянинг Грац шаҳридаги мактабга ҳужум қилган шахс қуролга қонуний эгалик қилган. Бу ҳақда Штирия штати полицияси маълум қилди.

"Бизнинг ҳозирги маълумотларга кўра, у қуролга қонуний эгалик қилган. Яъни унинг қуролга эга бўлган ҳужжатлари бўлган", - деди Штирия штати полицияси вакили Геральд Отнер сешанба куни бўлиб ўтган матбуот анжуманида.

Шунингдек, у полиция унга нисбатан илгари ҳеч қандай огоҳлантириш олмаганини қўшимча қилди.

Ҳуқуқ-тартибот идоралари вакилларининг аниқлик киритишича, ҳужум қилган шахс 21 ёшда бўлган, у австриялик, у шу мактабда ўқиган, аммо уни тамомламаган. Полиция ҳужумчининг сабабларини ўрганмоқда.