Британия қироли Канберрадаги Парламент уйига ташрифи чоғида Австралиялик сенатор Лидиа Торпе уни қирол деб ҳисобламаслигини таъкидлаб, мамлакатдан ўғирлаган нарсаларини қайтаришини талаб қилди. “Сиз менинг қиролим эмассиз. Бизга ерларимизни қайтаринг. Сиз биздан ўғирлаган нарсани қайтаринг. Сиз бизнинг еримизни йўқ қилдингиз. Биз келишувни хоҳлаймиз", деган у.
Британия монархиясини тарихий адолатсизликлар учун айблаган сенатор хавфсизлик хизмати томонидан олиб чиқиб кетилган.
