Ўзбекистоннинг Эфиопиядаги элчиси (қароргоҳи Доҳа шаҳрида) Ашраф Ходжаев Эфиопия Федератив Демократик Республикаси Президенти Тае Атске-Селассиега ишонч ёрлиқларини топширди, деб хабар бермоқда “Дунё” АА мухбири.
Маросим доирасида бўлиб ўтган мулоқот чоғида Ўзбекистон ва Эфиопия ўртасидаги ҳамкорликни ривожлантириш истиқболлари юзасидан фикр алмашилди.
Эфиопия Президенти Ўзбекистоннинг мамлакатдаги элчиси тайинланганини мамнуният билан қарши олди. У икки томонлама муносабатларнинг изчил ривожланиши ва амалий ҳамкорликнинг янада кенгайишига ишонч билдирди.
Ўзбекистон элчиси ўз нутқида Президент Шавкат Мирзиёевнинг энг эзгу тилаклари ва самимий саломини етказди ҳамда ўзаро манфаатли иқтисодий ҳамкорликни кенгайтиришга тайёр эканини таъкидлади
Эфиопия етакчиси Ўзбекистон Президентига икки давлат ўртасидаги ҳамкорликни йўлга қўяётгани учун миннатдорлик билдирди ва ўзининг эзгу тилакларини йўллади.
Эслатиб ўтамиз, Ўзбекистон ва Эфиопия ўртасида дипломатик муносабатлар 1996 йил 15 июлда ўрнатилган.
Ашраф Хўжаев 2024 йил февралидан буён Ўзбекистоннинг Қатардаги элчиси ҳисобланади. У 2025 йил октябридан эътиборан ўриндошлик асосида Ўзбекистоннинг Жанубий Африка Республикасидаги элчиси сифатида ҳам аккредитациядан ўтган.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Россияда мигрантларни депортация қилиш учун асослар кенгайтирилди
