Арманистон ОДКБда овоз бериш ҳуқуқидан маҳрум қилиниши мумкин

Арманистон келаси ҳафта ОДКБ доирасида қарорлар қабул қилишда овоз бериш ҳуқуқидан вақтинча маҳрум қилиниши мумкин.

Бунга мамлакатнинг икки йилдан ортиқ вақт давомида ташкилотга аъзолик бадалларини тўламагани сабаб бўлган.

Россия ташқи ишлар вазири ўринбосари Александр Панкиннинг маълум қилишича, ОДКБ низомида қарздор давлатнинг қарорлар қабул қилишдаги иштироки вақтинча тўхтатилиши кўзда тутилган. Бу чеклов қарз тўлиқ тўлангунига қадар амал қилиши мумкин.