Аризона штатида иккита самолёт тўқнашиб кетди, оқибатда бир киши ҳалок бўлди

Аризона штатидаги Скоттсдейл аэропортида (АҚШ) Bombardier Learjet самолёти Gulfstream 2100 бизнес-жети билан тўқнашди, деб хабар берди ABC News Фуқаро авиацияси федерал бошқармасига таяниб. Бир киши ҳаётдан кўз юмди.

Bombardier Learjet қўниш чоғида учиш-қўниш йўлагидан чиқиб кетиб, тўхтаб турган Gulfstream 2100 самолётига бориб урилган.

Скоттсдейл ёнғин хизмати капитани Дэйв Фолионинг айтишича, уч киши шифохонага ётқизилган. Самолётлардан бирида бир киши қамалиб қолган.

Ҳозирда учиш-қўниш йўлаги ёпиқ, дея хабар берди аэропорт Х ижтимоий тармоғида. Фуқаро авиацияси федерал бошқармаси ҳодиса юзасидан текширув бошлади, деб хабар беради rbc.ru.