Аргентинани Жаҳон чемпиони қилган мураббий «Реал»га келиши мумкин

Мадриднинг "Реал" клуби жамоани ёзда қабул қилиб оладиган мураббий бўйича иш олиб бормоқда.

Испаниялик журналист Абрахам Ромеро маълумотига кўра, "қироллик клуби" ҳозирда Аргентина терма жамоасини бошқараётган Лионель Скалонини номзодлар орасига киритган. Клуб 47 ёшли мутахассисга ЖЧ-2026 якунланганидан сўнг таклиф билан чиқиши мумкин.

Маълумот ўрнида, Скалони "альбиселеста"ни 2022 йилги жаҳон чемпионатида ғолибликка етаклаган. Унинг шартномаси 2026 йил якунига қадар мўлжалланган.