Аргентинада кучли сув тошқинлари туфайли бир неча минг киши эвакуация қилинди. Бу ҳақда La Nación хабар берди.
Мамлакатда уч кундан буён кузатилаётган кучли ёғингарчилик оқибатида юзага келган тошқинлар туфайли минглаб одамлар жабр кўрди, кўплаб бинолар сув остида қолди. Буэнос-Айрес провинцияси губернатори Аксел Кисилёф сув тошқинларини “ўта хавфли” деб атади.
La Nación газетасининг Миллий фавқулодда вазиятлар бошқармасига таяниб хабар беришича, камида 3700 киши хавфсиз жойга кўчириб эвакуация қилинган. Ҳозирча ҳалок бўлганлар ҳақида маълумотлар йўқ.
Вазият янада оғирлашиши мкмкин, дам олиш кунлари яна кучли ёмғирлар ва совуқ ҳаво оқими кириб келиши кутилмоқда.
Гўзаллик маликаси 9 ойга қамалди
Марказий Осиё халқлари учун Россия энди қизиқ эмас
Истанбулдаги музокарада Россия Украинага бешта шарт қўйди
