Арағчи: "Нетаньяху Эронни парчаламоқчи"

Исроил Бош вазири Беньямин Нетаньяху Эроннинг парчаланишига интилмоқда.

Бу ҳақда Эрон ташқи ишлар вазири Аббос Арағчи баёнот берди.

"Нетаньяху Исроил ҳали Эрондаги миссиясини якунламаганини ва унинг асосий мақсади Ислом Республикасини йўқ қилиш эканлигини айтди", деб таъкидлади у.

Унинг сўзларига кўра, айнан шунинг учун Нетаньяху АҚШ президенти Дональд Трампни Эронга қарши ҳарбий операция бошлашга ундаган. Бироқ, вазирнинг таъкидлашича, Теҳрон ўз суверенитетини сақлаб қолган ҳолда ўз мавқеини ҳимоя қилишга муваффақ бўлмоқда:

"Душман (АҚШ) сўзсиз таслим бўлишни талаб қилишдан бошлади, аммо охир-оқибат Эрон билан (ўзаро англашув) меморандум имзолади. Бошқача айтганда, Эрон АҚШга қарши ўз мавқеини ҳимоя қилди ва бу мамлакатни Ислом Республикаси суверенитетини ҳурмат қилишга мажбур қилди", деб таъкидлади Арағчи.