Қаршиликни синдиришнинг ягона йўли қуруқликдаги операция бўлиши мумкин, деб хабар бермоқда CNN манбалар ва таҳлилчиларга таяниб.
Телеканалнинг таъкидлашича, Америка бомбардимонлари ҳусийларнинг сиёсий ва ҳарбий раҳбариятига ёки уларнинг ракета отиш мосламаларига жиддий зарар етказмаган. Бу исёнчиларнинг Исроилдаги нишонларга ва Қизил денгиздаги Америка флотига мунтазам ҳужумлари билан тасдиқланади.
Телеканалнинг эслатишича, Вашингтон томонидан ҳусийларга қарши бошланган ҳаво операцияси қиймати аллақачон 1 миллиард долларга етган. Расмийлардан бири CNN телеканалига АҚШнинг бу йўналишдаги ресурслари тугаб қолганини айтди.
