Исроилнинг Ynet нашрига кўра, АҚШ Мудофаа вазирлиги вакиллари исроиллик ҳамкасбларига яқин икки ой ичида америкалик қўшинларни Суриядан босқичма-босқич олиб чиқишни бошлаш ниятлари ҳақида маълум қилган.
Исроилнинг Вашингтонни бу қадамдан воз кечишга кўндиришга бир неча бор уринишларига қарамай, АҚШ маъмурияти қарор қабул қилинганини ва қайта кўриб чиқилмаслигини очиқ айтди. Бироқ, Ynet қайд этганидек, Исроил ҳарбийлари таслим бўлмаяпти ва йўналишни ўзгартиришга умид қилиб, Оқ уйга босим ўтказишда давом этмоқда.
Исроил бу Асад режими қулагандан бери минтақада, айниқса Сурияда фаол равишда ўз таъсирини кенгайтириб келаётган Туркиянинг позициясини мустаҳкамлашидан қўрқиб, АҚШнинг қўшинларни олиб чиқиб кетишига йўл қўймасликка ҳаракат қилмоқда, деб таъкидлайди Йнет нашри.
Яқинда АҚШ қўшинларини олиб чиқиш ва Доналд Трампнинг Туркия президенти Ражаб Тоййиб Эрдўғоннинг яқинда Бинямин Нетаняху билан учрашуви чоғида илиқ муносабатда бўлиши Исроил мудофаа тизимидаги кескинликни кучайтирди.
Тел-Авив Туркия ҳарбийларининг Сурияда кучайиши Исроил армиясининг кўп йиллик фуқаролар уруши туфайли заифлашган минтақадаги имкониятларига жиддий зарба беришидан хавотирда.
Ортиқхўжаев янги лавозимда иш бошлагани айтилмоқда
Ҳоким ўринбосари ўзини ёқиб юбордими?
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
