CBS News ва YouGov ўтказган сўровнома натижаларига кўра, АҚШнинг собиқ президенти Доналд Трамп сайловчилар орасида қўллаб-қувватлаш бўйича республикачилар бошқа потенциал номзодлардан сезиларли фарқ билан етакчилик қилмоқда.
Якшанба куни эълон қилинган тадқиқотга кўра, Республикачилар тарафдорларининг 69 фоизи праймеризда Трампга овоз бериш ниятида эканликларини айтишган. Қайд этилишича, бу собиқ президентнинг бундай сўровларда эришган энг юқори кўрсаткичидир. Ноябр ойида ушбу кўрсаткич 61 фоизни ташкил этган.
Иккинчи ўринда Флорида губернатори Рон ДеСантис турибди, респондентларнинг 14 фоизи унга овоз беришга тайёр. АҚШнинг БМТдаги собиқ элчиси Никки Хейли учун 12 фоиз, бошқа номзодлар учун эса 5 фоиздан кам овоз берилган.
