АҚШнинг Эрон жанубига берган зарбалари оқибатида бир киши ҳалок бўлди, яна икки киши жароҳатланди

АҚШнинг Эрон жанубига йўллаган зарбалари натижасида бир киши ҳалок бўлди, яна икки киши тан жароҳати олди.

Бу ҳақда маҳаллий ҳукумат вакилларига таяниб, Mehr агентлиги хабар берди.

Агентлик маълумотларига кўра, ҳалок бўлган шахс «Hamrahe-Aval» алоқа операторининг маҳаллий бўлинмаси ходими бўлиб, у алоқани тиклаш ишларини олиб бораётган бўлган.

У билан бирга яна икки киши жароҳатланган.

Mehr агентлигининг қайд этишича, зарба Форс кўрфазидаги Фарур оролига берилган, бироқ ҳужум вақтига аниқлик киритилмаган.