АҚШнинг USS Tripoli десант кемаси Форс кўрфазига етиб келди. Унинг бортида тахминан 3500 нафар денгизчи ва денгиз пиёдалари, шунингдек ҳарбий самолётлар ва қурол-яроғ жойлашган. Бу ҳақда АҚШ Марказий қўмондонлиги (CENTCOM) 28 март куни маълум қилди, миссия тафсилотлари ошкор этилмаган.
CENTCOM баёнотига кўра, «Америка» синфидаги ушбу десант кемаси Tripoli десант гуруҳи ҳамда 31-экспедицион денгиз пиёдалари корпусининг флагмани ҳисобланади. Унинг таркибига тахминан 3500 нафар ҳарбий, шу жумладан транспорт ва зарба берувчи қирувчи самолётлар, десант ва тактик воситалар киради.
Шунингдек, Яқин Шарққа йўл олган яна учта кема, жумладан USS Boxer десант кемаси ҳам қўшимча элита бўлинмаларни олиб келмоқда.
24 март куни оммавий ахборот воситалари АҚШ минтақада яна 2000 нафар десантчи жойлаштиришини, шу орқали умумий ҳарбийлар сони 7000 нафарга етишини хабар қилган эди. Тахминларга кўра, америкалик ҳарбийлар Форс кўрфазининг шимолида жойлашган, Эрон нефть экспортининг асосий марказларидан бири бўлган Харк оролини назоратга олиш операциясида иштирок этиши мумкин. The Washington Post маълумотига кўра, Пентагон Эрон ҳудудида бир неча ҳафта давом этадиган қуруқлик операциясига тайёргарлик кўрмоқда.
Эронда бир баққол дўкони ойнасида шундай ёзув илган:
Гўшт нархи кескин ошмоқда
АҚШ разведкаси Трампни огоҳлантирган — Профессор Жон Миршаймер
