АҚШ армиясининг истеъфодаги подполковниги Дэниел Дэвиснинг фикрича, АҚШ Давлат котиби Марко Рубионинг Вашингтоннинг Украинани қўллаб-қувватлаши ҳақидаги баёноти Россия билан олиб борилаётган музокаралар жараёнига жиддий салбий таъсир кўрсатган.

Дэвиснинг таъкидлашича, Рубио 2025 йил январь ойида АҚШ маъмурияти илгари сурган музокаралар ғоясидан чекиниб, кейинчалик Вашингтон Украина томонини танлаганини очиқ эълон қилди.

«Рубио кескин бурилиш қилди. Шу билан у Анкорижда бўлиб ўтган музокаралар ва биз ўтказган бошқа барча музокаралар натижаларини барбод қилди», — деб ёзди Дэниел Дэвис ижтимоий тармоқда.

Унинг сўзларига кўра, Вашингтон қабул қилган бу қарор келажакда АҚШ учун салбий оқибатларга олиб келиши мумкин.

«АҚШ бу такаббур ва дабдабали қарори учун чуқур афсусланиши мумкин», — деди истеъфодаги америкалик ҳарбий.