Аср битими муваффақиятсизликка учрайдими?
Фаластин ва Исроил ўртасидаги можарони ҳал қилиш учун ҳали ҳам имконият борга ўхшайди.
Шундай қилиб, Фаластин ҳукумати АҚШ эмас, балки Россия билан ҳамкорлик қилишни хоҳлашини маълум қилди. Гап Исроил ва Фаластин ўртасидаги можарони тинч йўл билан ҳал этиш масаласида воситачи бўлишга тайёр мамлакат ҳақида бормоқда.
Тегишли баёнот Фаластиннинг Москвадаги расмий элчиси Абдул Ҳафиз Нофал томонидан маълум қилинди. “Россия24” каналининг “YouTube”даги саҳифасида элчининг нутқи ёзилган видео пайдо бўлди.
"Биз фаластинликлар энди Америка тинчлик жараёнида муносиб воситачи эканига ишонмаймиз", дея таъкидлаган дипломат.
Элчининг таъкидлашича, Вашингтон зиддиятли томонларни ўз режаларини амалга оширишга мажбур қилади, халқаро мажбуриятларни рад этиб, халқаро сиёсатнинг бошқа иштирокчиларини унутиб қўяди.
Шу билан бирга, Ҳафиз Нофал унинг мамлакати Россиянинг Европа Иттифоқи, БМТ ва АҚШни ўз ичига олган "Яқин Шарқ квартети"даги иштироки ва ролини юксак қадрлашини қўшимча қилди.
Хабарингиз бор, бундан сал олдинроқ Фаластин президенти Маҳмуд Аббос Россия президенти Владимир Путинга мурожаат қилиб, Москвада бўлиб ўтиши мумкин бўлган Исроил билан музокараларни ташкил этишга ёрдам беришини сўраган эди. Хабар қилинишича, бир кун олдин қаттиқ қадам ташлашга қарор қилган ва АҚШ ҳамда Исроил билан илгари эришилган барча келишувларни бузган Фаластин ҳукумати фақат учинчи воситачилар билан музокараларга қайтишга тайёр эканликларини таъкидлаганди.
17 май куни эса Исроил Бош вазири Биньямин Нетаньяху Ғарбий Соҳил ва Иордан водийсида яҳудийларнинг фойдасига Фаластин ҳудудларини аннексия қилиш вақти келганлигини таъкидлади. Қизиғи шундаки, илгари ушбу масала бўйича шунга ўхшаш риторикаларни АҚШдан эшитиш мумкин эди. Ваҳоланки, Дональд Трампнинг ниятларига кўра, Фаластинни "бироз катталаштириш" ва пойтахтини Шарқий Қуддусга кўчиришни режалаштирилмоқда.
Яқин Шарқ Таркиби Халқаро Медиаторлари Учрашуви Институти (Квартет) 2001 йил охирида ташкил этилган бўлиб, яратилишининг ташаббускорлари Россия ва Европа Иттифоқи ҳисобланади.
