АҚШда 975 нафар ўзбекистонлик ноқонуний мигрант депортацияси хавфи остида турибди. Улар Иммиграция ва божхона назорати (ICE) агентлиги тизимида депортация тўғрисидаги якуний қарорни олган, аммо ҳозирда ҳибсда бўлмаган 14 миллион норезидент рўйхатига киритилган.
Fox News’нинг хабар беришича, рўйхатда энг кўп фуқаролари бўлган давлатлар қаторига Гондурас (261 651), Гватемала (253 413), Мексика (252 044) ва Сальвадор (203 822) киради. Хитой, Гаити, Венесуэла каби мамлакатлардан ҳам ўн минглаб одамлар депортация хавфи остида.
АҚШ ҳукумати ноқонуний муҳожирларни қайтариш жараёнида қийинчиликларга дуч келмоқда, таъкидлади нашр. Хусусан, айрим давлатлар ўз фуқароларини қабул қилишдан бош тортаётган бўлса (Хитой, Россия, Эрон ва Куба каби 15 давлат), баъзи шахслар ҳуқуқий ҳимоя ёки бошпана сўраш жараёнидан ўтмоқда.
Fox News’нинг ёзишича, 2021 йилдан сўнг депортация ҳужжатларига жойлаштирилган мигрантлар сони тезликда ўсган ва 2023 йилда 3,7 миллиондан 7 миллионга етган. Уларнинг аксарияти яқинда чегарани кесиб ўтган бўлса, баъзилари АҚШда ўнлаб йиллар давомида яшаб келади.
Россияликлар рекорд суръатда ўлмоқда
"Ўқишга кетяпман деб ўйлагандим..."
АҚШ Европага уч ҳафта вақт берди
