АҚШнинг Калифорния штатида кичик самолётнинг мебель фабрикаси томига қулаши оқибатида 2 киши ҳалок бўлди, 19 киши жароҳатланди.
FlightAware ҳаво ҳаракатини кузатувчи веб-сайтига кўра, самолёт Оринж округидаги аэропортдан кўтарилган, бироқ ҳавога кўтарилганидан икки дақиқа ўтиб яқин атрофдаги мебель фабрикаси томига қулаган.
Дастлабки маълумотларга кўра, заводнинг 19 ходими жароҳатланган, самолёт бортидаги 2 киши ҳалок бўлган.
Саккиз нафар жабрланувчига воқеа жойида тиббий ёрдам кўрсатилди, яна 11 киши шифохонага етказилди.
Аэропорт расмийси Крис Вильялобоснинг айтишича, учувчи ҳаво ҳаракатини бошқариш хизматига фавқулодда қўнишга қайтиш ниятида эканлигини маълум қилган, бироқ самолётнинг носозлик сабаби номаълумлигича қолмоқда.
Вильялобоснинг сўзларига кўра, самолёт эгаси ушбу аэропорт хизматларидан тез-тез фойдаланган.
Фуллертон полицияси баёнотида айтилишича, қурбонларнинг шахси уларнинг яқин қариндошлари хабардор қилинганидан кейин аниқланади.
Россия Япония ва Жанубий Кореяга ҳужум қилиш режаларини ишлаб чиқди – FT
Ўлимга ҳукм қилинган америкалик имкон қадар тезроқ қатл қилинишини сўради
Россия ҳаво ҳужумидан мудофаа тизимлари Украина қирувчисини уриб туширди
