АҚШнинг Орегон штатидаги Бенд шаҳрида жойлашган Silver Rail бошланғич мактабида отишма содир бўлди. Оқибатда беш, саккиз ва 11 ёшли уч нафар бола ҳамда мактабнинг 54 ёшли ходими ҳалок бўлди. Яна етти ёшли бола ва бир нафар ўқитувчи ҳаёт учун хавфли даражада оғир жароҳат олди.
Полitsия маълумотига кўра, гумонланувчи 16 ёшда бўлган. У дастлаб мактаб яқинидаги автомобильга қарата ўқ узган, сўнг бино ичига кириб, отишмани давом эттирган. Фавқулодда хизматларга биринчи қўнғироқлар 15 октябрь, пайшанба куни маҳаллий вақт билан соат 13:00 атрофида келиб тушган.
Ҳужум қилган ўсмирнинг ўзи ҳам ҳалок бўлган. Дастлабки маълумотларга кўра, унинг ортидан бино ичига кирган гувоҳлардан бири гумонланувчини отиб ўлдирган. Полиция ходимлари воқеа жойига етиб келганида, ҳужумчи аллақачон зарарсизлантирилган эди.
Ҳозирча ҳужум сабаблари номаълум. Терговчилар ўсмирнинг ушбу мактабга алоқаси бўлган ёки бўлмаганини ҳам аниқламоқда. Ҳодиса сабабли маҳаллий мактаб округидаги барча таълим муассасаларида жума кунги дарслар бекор қилинди.
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
Роналдунинг севгилиси Мессининг оиласига учта сўз билан мурожаат қилди
Ўзбекистонда уч қиздан кейин оила тўрт нафар ўғил фарзанд кутаётгани маълум бўлди
