Мерц ва Трамп 5-июн куни АҚШда учрашиб, Украинадаги урушни муҳокама қиладилар.
Германия ҳукумати 5-июн куни канцлер Фридрих Мерц АҚШнинг Вашингтон шаҳрига ташриф буюришини ва Оқ уйда Доналд Трамп билан учрашишини эълон қилди. Музокараларнинг асосий мавзуларидан бири Украинадаги уруш бўлади.
Германия ҳукумати вакили Штефан Корнелиус 31-май, шанба куни берган баёнотида, канслер Фридрих Мерц 4-июн, чоршанба куни кечқурун АҚШга жўнаб кетишини маълум қилди. Ташриф дастурига Оқ уйда Доналд Трамп билан учрашув, қўшма тушлик ва матбуот анжумани киритилган.
"Ҳамкорликдаги музокараларда эътибор Германия ва АҚШ ўртасидаги муносабатлар ҳамда халқаро масалаларга — Россиянинг Украинага қарши тажовузи, Яқин Шарқдаги вазият ва савдо сиёсатига қаратилади", — дейилади Германия ҳукумати баёнотида.
Аввалроқ Трамп Мерцни АҚШга таклиф қилган эди
8-май куни Мерц ва Трамп илк бор телефон орқали мулоқот қилган эди. Унда Германия канцлери Трампни Германияга таклиф қилган, Трамп эса унга жавобан Мерцни Вашингтонга чорлаган. Суҳбат тахминан ярим соат давом этган ва асосан Украинадаги уруш мавзусига бағишланган.
Аввалроқ Мерц G7 ва НАТО саммитларидан олдин АҚШга ташриф буюриш нияти борлигини билдирган. эди.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
