АҚШ Запорижжя АЭСда “майнинг” билан шуғулланишга қизиқиш билдирган — Россия президенти

Владимир Путин бу ҳақда бизнес вакиллари билан ўтказилган ёпиқ учрашувда маълум қилди, дея хабар бермоқда “Коммерсант”.

Нашр маълумотига кўра, Владимир Путин Запорижжя атом электр станцияси масаласини Украина томони билан эмас, балки АҚШ томони билан биргаликда бошқариш масаласи муҳокама қилинаётганини яширмаган.

Путиннинг таъкидлашича, Россия томонидан босиб олинган АЭСдан Украинага электр энергияси етказиб бериш масаласи ҳам муҳокама қилинган. У, шунингдек, украиналик мутахассислар станцияда ишлашда давом этаётганини, бироқ улар Россия паспортларини олганини қўшимча қилган.