АҚШ яқин орада ядровий синовлар ўтказади – Доналд Трамп

Оқ уй раҳбари бу ҳақда Флоридага йўл олаётганида Air Force One самолёти бортида журналистлар билан бўлган суҳбатда айтиб ўтди.

"Қўшма Штатлар яқин орада ядровий қурол синовларини ўтказади, чунки бошқа давлатлар ҳам бундай синовлар ўтказмоқда", — деди Трамп.

Шу билан бирга, президент ядровий қуролдан озод бўлиш (денуклеаризация) масаласида Россия ва Хитой билан учрашув ўтказишни исташини таъкидлаб, ядровий қуролсизланишни бундай қуроллар устидан назорат соҳасидаги энг яхши ечим деб атаган. Трампнинг айтишича, Россия ва Хитой тўрт-беш йил ичида ядровий арсенал бўйича Қўшма Штатларга етиб олиши мумкин.