АҚШ Хитой билан савдо урушини бошлайдими?

Вашингтон Хитой билан савдо урушига тайёр, аммо уруш бошлашни истамайди.

Бу ҳақда АҚШ савдо вакили Жеймисон Грир Fox News телеканалига берган интервьюсида маълум қилган.

"Бу савдо уруши бўлиши шарт эмас, лекин керак бўлса, биз буни бошдан кечиришга тайёрмиз. Биз ҳозирда ҳар икки томоннинг позицияларини кўриб чиқмоқдамиз, яқин кунларда эса олдинга силжиш йўли бор-йўқлигини аниқлашга ҳаракат қиламиз", деди у.

АҚШ президенти Дональд Трамп аввалроқ Вашингтон Хитойга 1 ноябрь ёки ундан олдин божларни 100 фоизга ошириши ва дастурий таъминотга экспорт назорати ўрнатиши ҳақида маълум қилган эди.