АҚШ вице-президенти Жей Ди Вэнс АҚШнинг собиқ президенти Жо Байден маъмуриятини Украинага ҳарбий ёрдамни молиялаштиргани ва можарони дипломатик йўл билан ҳал қилиш учун саъй-ҳаракатлар йўқлиги учун танқид қилди. Бу ҳақда "ТАСС" хабар бермоқда.
"Байден маъмурияти даврида жиннилик бўлган эди. Улар бутун дунё бўйлаб жуда кўп пул сарфлашди, лекин шу билан бирга улар дипломатияга умуман таянишмади", деди Вэнс америкалик стенд-комедиячи Тео Вон билан суҳбатда.
Унинг сўзларига кўра, Украинага 300 миллиард долларга яқин ёрдам юборилган, бироқ тинчликка эришиш учун реал қадамлар қўйилмаган:
"Президент ҳеч қачон Киевни музокаралар олиб боришга мажбурламаган, лекин тинчлик аниқ зарур эди".
АҚШ вице-президентининг таъкидлашича, президент Трампнинг амалдаги маъмурияти можарони тинч йўл билан ҳал қилишга уринишларга эътибор қаратмоқда:
"Агар муваффақиятга эришсак, кўплаб одамларнинг ҳаётини сақлаб қоламиз. Агар йўқ бўлса, ҳали ҳам синаб кўриш керак".
Ўзбекистонлик яна бир футболчи "Манчестер Сити"га ўтиши мумкин
Элдор Шомуродов янги жамоасининг таклифини қабул қилди
Исроил Эрон билан уруш тугаганини расман эълон қилди
