АҚШ ва Яман ҳусийлари Уммон воситачилигида Яманда ўт очишни тўхтатиш бўйича келишувга эришди, деб хабар бермоқда Уммон ТИВ раҳбари.
"Мазкур келушувга мувофиқ Яман ҳусийлари Боб-ал-Мандеб бўғози орқали ҳаракатланувчи АҚШ кемаларига ҳужум қилишни тўхтатади", — дея қўшимча қилди Уммон ташқи ишлар вазири Бадр ал-Бусаидий.
Аввалроқ, АҚШ президенти Доналд Трамп Ямандаги ҳусийлар энди урушишни истамаётганини айтиб, шу сабаб Қўшма Штатлар уларга қарши ҳужумларни тўхтатишини маълум қилган эди.
