Қўшма Штатлар ва Исроил Ғазодаги фаластинликларга Фаластиннинг ҲАМАС радикал гуруҳи назоратисиз инсонпарварлик ёрдами етказиб беришни қайта тиклаш бўйича келишувга яқин турибди.
Бу ҳақда Ахиос портали Исроил ва Америка расмийларига таяниб хабар берди.
“Янги механизм унга муҳтож одамларни қўллаб-қувватлайди, шу билан бирга у Хамас каби террористик гуруҳлар томонидан бошқа томонга бурилмаслиги, талон-тарож қилинмаслиги ёки нотўғри ишлатилмаслигини таъминлайди”, — деди манбалардан бири.
Шартномада ёрдам операциялари гуманитар ташкилотлар томонидан бошқариладиган халқаро жамғарма орқали амалга оширилиши кўзда тутилган, уларнинг маслаҳат кенгаши таниқли халқаро арбоблардан иборат бўлади, деб ёзади Ахиос.
Унинг қайд этишича, томонлар фонд фаолиятини, жумладан, гуманитар ёрдам сотиб олишни молиялаштирадиган донор давлатлар билан фаол музокаралар олиб бормоқда.
Порталнинг қайд этишича, икки ой аввал Ғазода ўт очишни тўхтатиш келишуви барбод бўлгач, Исроил анклавга барча инсонпарварлик ёрдами: озиқ-овқат, сув ва дори-дармонларни тўсиб қўйган ва бу гуманитар инқирозни янада кучайтирган.
Исроил расмийларига кўра, сулҳ даврида ХАМАС Ғазога келаётган гуманитар ёрдамнинг катта қисмини ўз назоратига олишга муваффақ бўлган ва унинг сотувидан тушган миллионлаб долларларни “ҳарбий қанот аъзоларига тўлаш учун” ишлатган.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
