АҚШ тинчликка эришиш учун Россия ва Украина билан фаол ҳамкорлик қилмоқда – Оқ уй

"АҚШ маъмурияти Москва ва Киев билан Украинадаги можарони ҳал қилиш бўйича ҳамкорликни давом эттирмоқда, президент Доналд Трамп бу масала билан фаол шуғулланмоқда", – дея маълум қилади Оқ уй матбуот котиби Кэролайн Ливитт.

"Жамоамиз россияликлар билан ҳам, украиналиклар билан ҳам ҳамкорлик қилишда давом этмоқда. Президент ҳар куни ушбу мавзу бўйича жуда ва жуда фаол шуғулланишда давом этмоқда", – деди Оқ уй вакили.

Шу билан бирга, Ливитт Доналд Трамп можаронинг иккала томонидан ҳам норози эканини эслатиб ўтди.